Архидан согтуурахын эсрэг "Эрүүл нийгэм" аяны хүрээнд Дорнод аймгийн иргэдийн Төлөөлөгчдийн Хурлын ивээл доор зохион байгуулагдаж байгаа "Спирт үү, Спорт уу" сэдэвт сумдын "Волейболын лиг"-ийн "Д" хэсгийн урьдчилсан тоглолт 2017 оны 02 дугаар сарын 05-ны өдрийн 09.00 цагаас сумын Ерөнхий боловсролын сургуулийн Спорт зааланд болно. Нээлтийн арга хэмжээнд Дорнод аймгийн иргэдийн Төлөөлөгчдийн Хурлын дарга Л.Хишигтогтох, Хөлөнбуйр сумын иргэдийн Төлөөлөгчдийн Хурлын дарга Ж.Энхдаваа, аймгийн ИТХ-ын төлөөлөгч сумын Засаг дарга У.Ганхуяг болон бусад албаны хүмүүс оролцоно.Тэмцээнд Дорнод аймгийн Хөлөнбуйр, Булган, Сэргэлэн сумдын баг тамирчид оролцоно.