Өвөлжилтийн нөхцөл байдалтай газар дээр нь танилцаж, сумын Онцгой комисст заавар, зөвлөгөө өгч, цаг үеийн тулгамдсан асуудлыг газар дээр нь шийдвэрлэх зорилгоор аймгийн Засаг дарга, Онцгой комиссын дарга М.Бадамсүрэнгээр ахлуулсан баг бүрэлдэхүүн тус суманд ажиллалаа.Аймгийн засаг дарга М.Бадамсүрэн тус сумын өвөлжилтийн нөхцөл байдалтай танилцаж, иргэдийн санал хүсэлтийг сонсож, цаашид авч хэрэгжүүлэх ажлын чиглэлийг өгсөн.Монгол улсын Засгийн газраас өвөлжилт хүндэрсэн аймгуудад өвс, тэжээл үнэгүй болон хөнгөлттэй үнээр хүргүүлж байгааг  Хөлөнбуйр суманд 1000 боодол өвс үнэ төлбөргүй, 20тн хивэгний үнийг 50 хувь чөлөөлөн олгосныг хүлээлгэн өглөө.Мөн малын эм, био бэлдмэл, олон улсын хүмүүнлэгийн байгууллагын тусламж бараа, бүтээгдэхүүнийг сумын удирдлагуудад гардуулан тусламж шаардлагатай зорилтот бүлэгт хүрч ажиллахыг сануулав.