Хөлөнбуйр сумын хэмжээнд зорилтод бүлгийн 15 өрх байдгаас ажлын хэсгээр хэлэлцэн 1 дүгээр багийн өндөрт настан С.Сумъяажавын өрхийг сонгон аянг өрнүүллээ.
Аяны хүрээнд иргэдээс хандив цуглуулах, эрүүл мэндийн тусламж үйлчилгээ үзүүлэх, “Сэтгэлийн өглөг” хандивын тоглолт зэргийг зохион байгуулж нийт 25 толгой мал, 606500 төгрөгийн бэлэн мөнгөний хандив цугласан байна. Иргэдээс өгсөн бэлэн мөнгөний хандиваар сонгосон өрхөд гэрийн хаалга, гадна, дотно бүрээс, өрх, бүслүүр, бирзентэн дээвэр, туурга, гэрлийн утас, халуун тогоо, ус буцалгагч зэргийг худалдан авч тохижуулан өглөө.